பூப்பிலிருந்து மூப்பு வரை...

பூப்படைவதிலிருந்து, மூப்படைவது வரை, 

பெண்களை பாதிக்கும் 

PCOS என்ற நீர்க்கட்டிகள் பற்றி..

• மாதவிடாய் பெண் பருவமடையும் போது ஆரம்பிக்கின்றது.
• ஒரு பெண்ணின் இனப்பெருக்க வாழ்க்கை (reproductive age) முழுதும் மாத சுழற்சிகள் தொடர்கிறது..
• மாதவிடாய் சுழற்சி ஹார்மோன்களால் கட்டுப்படுத்தப்படுகிறது. LH மற்றும் FSH ஹார்மோன்கள், பிட்யூட்டரி சுரப்பி மூலமாக உற்பத்தி செய்யப்படுகின்றன.
• FSH மற்றும் LH, சினைப்பைகளில், ஈஸ்ட்ரோஜென் மற்றும் ப்ரோஜெஸ்ட்ரோன் உற்பத்தியை தூண்டுகிறது.
• ஈஸ்ட்ரோஜன் மற்றும் புரோஜெஸ்ட்ரான் தான் கருப்பையை கருத்தரித்தலுக்கு ஊக்குவிக்கின்றன.
• பிசிஓஸ்ல், சினை முட்டைகள் முதிர்ச்சிக்கான ஹார்மோன்கள் சுரப்பதில்லை. வளர்ச்சி அடையாத முட்டைகள் நீர் கட்டிகளாகின்றன.

• பெண்ணின் சினைப்பைகளில் ஏற்படும் திரவக்கட்டிகள் தான் Poly Cystic Ovarian Syndrome (PCOS) எனப்படுகிறது.

• PCOS இல், முட்டைகள் முதிர்ச்சி அடையாததால் ஒவியுலேசன் (அண்டவிடுப்பு) நடப்பதில்லை. இதில் மாத சுழற்சி நின்றுவிடலாம்.

• மேலும், நீர்க் கட்டிகள் ஆண் ஹார்மோன்களை ( androgens) உற்பத்தி செய்யும்.

• பிசிஓஸ் இன், அறிகுறிகள் உடல் எடை அதிகரிப்பு, முகப்பரு, வயிற்றுப்பகுதியில் கொழுப்பு, அதிக ரோம வளர்ச்சி ஆகியன.

• கட்டிகளால், இன்சுலின் செயல்திறன் பாதிப்பு, குழந்தையின்மை, ஒழுங்கற்ற மாதவிலக்கு, ரத்தத்தில் கொழுப்பு ஆகியனவும் ஏற்படும்.
• இன்சுலின் செயல்திறன் பாதிக்கப்படுவதே, உடல் பருமனுக்கு, முக்கிய காரணமாக உள்ளது.
• சோர்வு, மனப்பதற்றம், தூக்கமின்மை, ரத்த அழுத்தம், பின்னாட்களில் மார்பக மற்றும் கர்ப்பப்பை புற்றுநோய் ஆகியன PCOSயின் விளைவுகளாகும்.
• PCOS கண்டறிய... அல்ட்ராசவுண்ட் ஸ்கேனில், சினைப்பைகளில் 12-15க்கும் மேற்பட்ட நீர்க்கட்டிகள்  இருக்கும்.

• இரத்தத்தில் FSH, LH மூலம் PCOS பிரச்சினையை அறிய முடியும். மாதவிடாயின் 2 வது நாளில் பரிசோதனை செய்ய வேண்டும்.

 

• LH : FSH விகிதம், பெண்களுக்கு, 1:2 இருக்க வேண்டும்.  ஆனால் PCOS பெண்களுக்கு இந்த விகிதம், 2:1 அல்லது 3:1 விகிதத்தில் இருக்கும்.
• PCOS, சிகிச்சை என்பது வயது மற்றும் தேவை சார்ந்தது.

• உணவு, உடல் உழைப்பின் அளவைச் சீராக்குவதன் மூலம் PCOS பிரச்சனையில் இருந்து தப்பலாம்.

• உயரத்துக்கு ஏற்ற உடல் எடையை, (BMI) பராமரிப்பதால் இன்சுலின் மற்றும் ஆன்ட்ரோஜென் அதிகமாக சுரப்பதை கட்டுப்படுத்தலாம்.
• பரிந்துரை செய்யப்படும் மருந்துகள், கருத்தரிப்பு அல்லது மாதவிடாய் சுழற்சியை சரிசெய்ய உதவும்.
• தேவைப்படும்போது, லேப்ரோஸ்கோபி மூலம் PCOS drilling செய்வது பயனளிக்கும்.

• வாழ்க்கை முறையை மாற்றி அமைப்பதின் மூலமாக, PCOS நிலையையும் கட்டுக்குள் வைத்திருக்க முடியும்.

************