கொஞ்சும் தமிழில் கொஞ்சம் மருத்துவம்: நகமே.. நலமா..??

ஒவ்வொரு விரல் நுனியிலும் நகங்கள், விரல்களின் பாதுகாப்புக்காக இயற்கையாக அமைந்திருக்கின்றன..
நகங்கள் `கெரட்டின்’ என்ற ஒருவகை கடினமான புரோட்டின் பொருளால் ஆனது.

கால் விரல் நகங்களை விட, கை விரல் நகங்கள் நான்கு மடங்கு மிக வேகமாக வளருமாம்..
மழைக்காலத்தை விட, வெயில்காலத்தில் நகங்கள் வேகமாக வளர்கின்றன.
ஒரு மாதத்துக்கு சராசரியாக 3 மில்லி மீட்டர் நீளத்திற்கு நகங்கள் வளரும்.
கின்னஸ் உலக சாதனையில், அமெரிக்காவின் `லீ ரெட்மாண்ட்’ என்ற பெண் 28 அடி 41/2 அங்குலம் நீளத்திற்கு கைவிரல் நகத்தை வளர்த்து சாதனை புரிந்துள்ளார்.
Myth..
இறந்த பிறகு, நகத்திற்கு கீழுள்ள தோலின் தண்ணீர் குறைந்து, தோல் சுருங்கி, நகம் வெளித்தெரிவதை இறந்த பின் நகம் வளரும் என்று நினைத்தனர்.

உடம்பின் ஆரோக்கியத்தை கூறும் உறுப்பாகவும் நகம் விளங்குகிறது...
உடலில் போதுமான அளவு தண்ணீர் இருக்கிறதா, இல்லையா என்று நகத்தின் நிறம் கூறும்.
நகம் உடைந்தால் அது நம் உடலில் வைட்டமின் ஏ, சி, அயோடின் குறைபாட்டை வெளிக்காட்டுவதாய் இருக்கலாம்.
ஸ்பூன் போன்று நன்கு குழிந்த நகங்கள் இரும்பு சத்து குறைவினால், வரும் ரத்த சோகையினால் ஏற்படலாம்.

இருதய நோய், நுரையீரல் நோய் உள்ளவர்களுக்கு கைவிரல் நகங்கள் குவிந்து இருக்கும். இது `க்ளப்பிங்’ எனப்படும்.

மிகச் சிறிய சொரசொரப்பான நகங்கள், சோரியாஸிஸ் எனப்படும் சரும பாதிப்பில் இருக்கும்.

நீல நிறத்தில் கைவிரல் நகம் இருந்தால், "சயனோஸிஸ் இன், அறிகுறியாகும்.
பங்கஸ் என்ற கிருமியினால் ஏற்படும் நோய் நகத்தை அழுக்காக இருப்பது போல் பாதிக்கச் செய்யும்.
விரல் முழுவதும் வெள்ளையாகவும் விரல் நுனியில் ரோஸ் நிறத்திலும் காணப்படும் நகங்களை டெர்ரிஸ் நகங்கள்.. இது வயது கூடுவதன் காரணமாக ஏற்படும்.
ஆனிகோலைஸிஸ்: இந்த பாதிப்பால் நகங்கள் வலுவிழந்து ஆடி அப்படியே விழுந்துவிடும்.

சில நகப் பராமரிப்பு தகவல்கள்..
நகங்களை, சுத்தமாக ஈரமின்றி வைத்திருக்க வேண்டும்.
நகப் பூச்சுகளை அளவாகப் பயன்படுத்த வேண்டும்.
ரசாயனம் மற்றும் கடுமையான வேலைகளுக்கு தகுந்த கையுறை மற்றும் காலுறை பயன்படுத்த வேண்டும்.
உள் வளர்ந்த நகத்தினை (Ingrown toe nails) சரிசெய்ய மருத்துவரின் உதவியோடு சிகிச்சை பெறவேண்டும்.
நகச்சுத்தி வந்தால், சீழ் அதிகமாகுமுன், மருத்துவ உதவியை நாட வேண்டும்..
பெடிக்யூர், மெனிக்யூர் (Manicure and Pedicure) என நகங்களை பராமரிக்க பிரத்யேக பராமரிப்பு முறைகளும் சாதனங்களும் உள்ளன.
நகத்தில் வெள்ளைப் புள்ளிகள் பெரும் பாதிப்பு அல்ல.

வெறும் நகம்தானே..

என நாம் வெட்டி எறியும் நகத்திலும்

எத்தன விஷயம் இருக்கு...!!

***************

கொஞ்சும் தமிழில் கொஞ்சம் மருத்துவம்